"Ұлы қолбасшы Балпық би бабамызға - 325 жыл!"

Ұлы қолбасшы Балпық би (1694 —1784 жж.) бабаның 325 жылдығына орай іс-шара өткізу туралы Іле ауданының білім бөлімінің № 532 бұйрығына сәйкес Қоянқұс ауылы №1 мектебінде 18 қыркүйек куні салтанатты жиын өтті. Жиынға мектебіміздің ұстаздар қауымы мен оқушылар қауымы ат салысты.

Балпық он екі ата Жалайырдың ең үлкені Андас тармағына жатады. Қай жерде, қандай жағдайда болмасын өзінен екі жас үлкен Ескелді бимен аты қатар аталған. Жүздеген жылдар бойы үздіксіз шапқын жасап тұрған Жоңғар қалмақтарынан ығысып, Сыр бойын, Шу бойын паналап жүрген Жалайырлардың басын құрап, Ескелді, Қабан ақын, Орақ батырлармен бірге жаудан босаған Жетісу өлкесіне көшіріп әкеліп, қоныстандырған еңбегі ел аузында ерекше айтылады.