«Тіл- ұлттың таңы , халықтың үні » атты кітап көрмесі

№1 орта мектеп кітапханасында мектеп кітапханашылары Айман Казибекқызы мен Аян Нұраханқызы 5- қыркүйек Қазақстан халықтарының тілдері мерекесі күніне орай «Тіл- ұлттың таңы , халықтың үні » атты кітап көрмесін ұйымдастырды. Кітапханашылар 5-9 сынып оқушыларын кітап көрмесіндегі әдебиеттермен таныстыра отырып кітап көрмесіне шолу жасады. Сонымен қатар ұйымдастырушылар Қазақстан Республикасы Үкіметінің қаулысына сәйкес бұл айтулы  мереке 5-қыркүйек , көрнекті ақын, аудармашы , қоғам қайраткері , ғалым, Ұлтымыздың Ұлы ұстазы Ахмет Байтұрсынұлының туған күніне бекітілгені жайлы оқушыларға айта келіп бұл сәйкестік қоғам қайраткеріне ,ұлт жанашырына деген құрмет екендігін де атап өтті. Кітапханашы Айман Казибекқызы Ахмет Байтұрсынұлының, ұрпақтарына қазақ әліпбиін ,графикасын , құрылымы мен орфаграфиясын жазып мұра етіп қалдырғаны туралы мәлімет берсе , Аян Нұраханқызы кітап көрмесіндегі кітаптарға жеке жеке мәлімет берді,  бүкіл өмірін туған халқының тағдыры мен тілі үшін күреске арнап өткенін және де  ғалымның кітапханада бар шығармаларымен таныстырды .Оқушылар өз кезегінде өздері оқыған ақын шығармалары туралы ой бөлісті.