07
ақпан
2024
« Мирас болған мол мұра » атты кітап көрмесі
№1 орта мектеп кітапханасында қазақ өнеріне еңбегі сіңген тұңғыш кәсіби суретшісі Әбілхан Қастеевтың туғанына 120 жыл толуына орай « Мирас болған мол мұра » атты кітап көрмесі ұйымдастырылды. Іс-шара мақсаты оқушылардың қазақтың тұңғыш суретшісі Әбілхан Қастеев туралы білімдерін толықтырып, суретшінің қыл қаламынан туған шығармаларын таныстыру ,оқушылардың танымдық ойлау қабілеттерін арттыру, ұлттық өнерге деген сүйіспеншілік арқылы эстетикалық тәрбие беру. Кітап көрмесін таныстырған кітапханашылар Айман Казибекқызы мен Аян Нұраханқызы суретшінің өмірі мен шығармашылығын таныстыра келіп, оның сонау 20-30 жылдары-ақ Қазақстандағы болашақ суретшілер Одағының негізін қалаушы екенін және де оның адам жанын, оның шаттығы мен мұңын, қуанышын тереңнен түсіне білгенін және айналадағы табиғат құбылыстарымен адам көңіл күйін шебер жеткізген суретші екені туралы тереңірек әңгімеледі. Кітап көрмесінде Р.А. Ерғалиевтың «Әдебиет әлемі» баспасынан 2014 жылы жарық көрген Әбілхан Қастеевтың өмірбаянынан сыр шертетін «Ұлы дала тұлғалары» сериясымен жарық көрген « Әбілхан Қастеев » кітабы ,сондай ақ «Өнер» баспасынан 1990 жылы жарық көрген «Қазақстанның бейнелеу өнері » фото альбомы мен суретші өмірі жайлы мақалалар насихатталды.