“Жыр алыбы -Жамбыл ақын”

27 ақпан күні №13 орта мектеп кітапханасында Жыр алыбы -Жамбыл Жабаевтың 180 жылдығына орай 9 в сынып оқушылары арасында “Жыр алыбы -Жамбыл ақын” атты іс-шара ұйымдастырылды. Оқушылар ақын шығармашылығындағы Ұлы Отан соғысы тақырыбында жазылған өлеңдері ішіндегі ең өзекті болған қоршауда қалған Ленинградтықтарға арнап жазған “Ленинградтық өренім ” атты өлеңін оқып бейнебаян көріп оқиға туралы терең мағлұмат алды.  1941 жылдың басында Кеңестер Одағына фашистік Германия тұтқиылдан шабуыл жасағанда Жамбыл ақын қартайып кәрілікке мойын бере бастаған шағына қарамастан қаламын қолға алып, қайтадан қайраттана, жігерлене түсіп  «Майданға хат», , «Отан әмірі», «Балама хат», «Воронеж батырларына», «Ленинградтық өренім !», сынды әрбір өлеңін жауға оқ етіп жаудырды. Өмір мен өлім белдескен шақта ақын қуатты жырларымен кеңес жауынгерлеріне жігер берді. Іс-шара мақсаты қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұтшылықтың махаббатына бөленген Жамбыл Жабаевтың өмірі мен шығармашылығын дәріптеу болды