Ұрпағы ұлықтаған ұлы тұлға
12.01.2023 жылы №1 орта мектеп кітапханасында мектеп кітапханашылары Айман Казибекқызы мен Аян Нұраханқызының ұйымдастыруымен халқының алғысы мен шексіз сүйіспеншілігіне бөленген мемлекет және қоғам қайраткері Дінмұхамед Ахметұлы Қонаевтың туғанына 111 жыл толуына орай « Ұрпағы ұлықтаған ұлы тұлға» атты дөңгелек үстел өтті. Мектеп ұстаздары мен 9а сынып оқушыларының қатысуымен өткен іс-шара мақсаты халқымыздың біртуар ұлы перзенті Дінмұхамед Ахметұлы Қонаевтың өмір жолы мен ,еселі еңбектерін келешек ұрпаққа насихаттау, Қонаевтай қайталанбас қайраткердің Қазақстанның тарихи өміріне қосқан өлшеусіз үлесімен таныстыру .
Іс-шара барысында Ұлы тұлғаның ел қамы үшін жасаған ірі істері барынша дәріптелді. Қатысушы оқушылар мен ұстаздар Ұлы тұлғаның өмірі мен қызметі жайлы өздері білетін мағлұматтармен ой бөлісті.
Кітапханада «Ғасырдың дара перзенті» тақырыбында кітап көрмесі ұйымдастырылды. Кітап көрмесінде Дінмұхамед Ахметұлының « Өтті дәурен осылай » атты журналист Серік Әбдірайымұлының редакциялауымен 2011 жылы Алматыкітап баспасынан жарық көрген естелік кітабы және де әр жылдары басылған фото альбомдар мен баспасөз материалдары насихатталды.
Кітапханашылар өз кезегінде Дінмұхамед Ахметұлының ел басқарған ширек ғасыр ішінде өзінің қарапайымдылығы, үлкен мәдениеттілігі ,иманжүзділігі ізеттілігі ,халық дәстүрін жақсы білгндігі, тағлымы терең ,ой -өрісі биік жан болғаны жайлы мағаналы да қызықты мәліметтермен бөлісті.
