Жамбыл Жабаевтың туған күніне орай «Жырлайды Жамбыл ұрпағы» атты жас ақындар айтысы өтті

№1 орта мектеп кітапханасында жыр алыбы Жамбыл Жабаевтың туған күніне орай «Жырлайды Жамбыл ұрпағы» атты жас ақындар айтысы өтті.  Мектеп кітапханашылары Айман Казибекқызы мен Аян Нұраханқызының ұйымдастыруымен өткен бұл айтыста «Қыз бен жігіт» айтысы, « Жұмбақ айтыс» түрлері көрермендер назарына ұсынылды. Іс-шара мақсаты жыр дүлділі, ғасыр ақыны атанған Жамбыл Жабаевтың ұлы тұлғасын дәріптеу. Ақынның халық поэзиясы арқылы қазақ халқын бүкіл әлемге танытқаны туралы айта отырып , оқушыларды адамгершілікке ,елжандылыққа тәрбиелеу. Оқушылардың айтыс туралы түсініктерін қалыптастыру.
    Іс –шара 4-7 сынып оқушылары арасында өтті. Жас ақындар айтысына бес жұп қатысты . Ақындар айтысын мектеп басшысы Рахымбаева Галия Тахирқызы бастаған әділ қазылар алқасы бағалады. Көрермендер жас ақындарды қошаметтеп қолдап отырды. Айтыста ең үздік боп танылған 4 а,ә сынып оқушылары  Шаяхмет Алихан мен Амангелді Айзере жүлделі бірінші орынды иеленді. Жүлделі екінші орынды да 4 а,ә сынып оқушылары Әбше Заңғар мен Туғамбай Айзере иеленді. Үшінші орынды 7 а,ә сынып оқушылары Нұржігіт Нұрдәулет - Магаметжан Амина ,Сәбитұлы Ясин - Шаршембай Гүлім, Жанат Мейіржан - Молдахмет Жібек  иеленді. Мектеп кітапханашылары барлық іс-шараға қатысушыларға өз алғыстарын білдірді.