2023 жылдың 21 желтоқсан күні мектепішілік ұлдар жиналысы өткізілді

2023 жылдың 21 желтоқсан күні мектепішілік ұлдар жиналысы өткізілді. Қатысқандар: директордың тәрбие ісі жөніндегі орынбасары Кусаинова С.К, Ұлдар ұйымының жетекшісі Айымбек Е.С, ұлдар ұйымының төрағасы  Жанаділ М.Б, мектеп психологы Байгуданова А.К. 8-9 сынып оқушылары.
Күн тәртібіндегі бірінші мәселе бойынша мектеп директорының тәрбие ісі жөніндегі орынбасары Кусаинова С.К: Мектептің iшкi тәртіп ережелерімен таныстырып, оқушылардың сабаққа қатысуы, қарым-қатынас мәдениеті, мектеп мүлкін сақтау мен ұялы телефонды қолдану тәртібі туралы айтып өтті. Мектеп формасына қойылатын талаптар, екінші аяқ киім, дене шынықтыру пәніне арнайы спорттық киiммен қатысу сынды мәселелер талқыланды. Сондай-ақ мектеп жасындағы балалардың түнгі уақытта көшеде жүрмеуi, ойын-сауық орталықтарына бармауы және сабақтан тыс кездегі бос уақытын тиімді пайдалану жайында айтып түсіндірді. 
Өз кезегінде ұлдар ұйымының жетекшісі Айымбек Е.С "Мектептегі зорлық-зомбылықсыз балалық шақ" тақырыбы аясында оқушыларға түсіндірме жұмысын жүргізді. Жиында оқушыларға "Буллинг дегеніміз не?" тақырыбы бойынша презентация көрсетіп, буллингке жол бермеу туралы түсіндірді.
Мектеп психологы «сиқырлы стакандар» атты тренинг өткізді.
Оқушылар екі топқа бөлініп, партадағы стақандарды бір қолмен қырқысқышпен жинайды, ал келесі оқушы жиналған стакандарды бір қолмен кірқысқышпен қайтадан бір-бірлеп қойып шығады.  Осылай қайталанып отырады. Мақсаты оқушылардың ептілігін, жылдамдығын, жауапкершіліктерін байқау. Келесі тренингте 4 стаканды жерге қойып, оқушылардың   беліне лентамен қаламды байлап, стаканға қолдың көмегінсіз салу керек. Мақсаты оқушылардың төзімділіктерін, жауапкершілігін, бір істі бастаса, аяғына дейін жеткізуін, аяқтауын бақылау. Әр іске   сабырлықпен қарауын зерттеу.