Сәкен Сейфуллиннің туғанына -130 жыл толуына орай 8 сынып оқушылары арасында «Сәкен – жырдың сарқылмас дариясы» атты әдеби-сазды кеш

№1 орта мектеп кітапханасында мектеп  кітапханашылары « Оқуға құштар мектеп » жобасы аясында  қазақ  халқының  асыл перзенті, көрнекті ақыны, жазушы, драматург және ірі қоғам қайраткері  Сәкен Сейфуллиннің туғанына -130 жыл толуына  орай  8 сынып оқушылары арасында  «Сәкен – жырдың сарқылмас дариясы»  атты әдеби-сазды кеш ұйымдастырды.          Іс-шара мақсаты: ақынның сыршыл лирикасының табиғатын таныту, оқушылардың мәнерлеп оқу дағдыларын жетілдіру, жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси-қоғамдық көзқарасын таныту, ұлтжанды ұрпақ тәрбиелеу.      Іс-шараға қатысқан 8 а сынып оқушылары сынып жетекшісі Керімтаева Алма  Сағиқызымен бірге ақын өлеңдерін мәнерлеп жатқа оқып қана қоймай  , ақын әндерімен  де танысып ақынның «Тау ішінде» әнін ұлдар тобы көрермендер назарына ұсынды. Оқушылар  өздері оқыған ақын өлеңдерінің мәні мен мағанасына, тарихына  терең үңіліп  ақын шығармашылығымен жақынырақ танысты. Сәкен Сейфуллин – қазақтың бір туар ұлы, қазақ әдебиетінің негізін салушыларының бірі. Өлмес әдеби, мәдени мұра қалдырған ақын  осы уақытта біздің арамызда жүрмесе де,  өлеңдері халқымен бірге жасай бермек .