Жамбыл Жабаевтың туған күніне орай ақын өлеңдерін мәнерлеп оқудан сыныпаралық жарыс ұйымдастырды

28- ақпан күні №1 орта мектеп кітапханашылары  жыр алыбы Жамбыл Жабаевтың туған күніне орай екі ғасырға куә  болған өз дәуірінің ұлы жыршысы қазақ халқының біртуар перзенті болған ақынның өлеңдерін жас ұрпаққа наихаттау мақсатында 8-9 орыс  сыныптары арасында ақын өлеңдерін мәнерлеп оқудан сыныпаралық жарыс ұйымдастырды. Барлық сыныптар да іс-шараға үлкен  дайындықпен келді, өздері жаттаған ақын өлеңдерін орыс және қазақ тілдерінде мәнерлеп жатқа оқып , ақынның өмірі мен шығармашылығына байланысты сұрақтарға жарыса жауап беріп белсенділік танытты.
   Сондай ақ мектеп кітапханашылары «Жүз жасаған бәйтерек » атты кітап көрмесін ұйымдастырып, екі ғасырдың куәсі болған жыршы- жырау, халық ақыны, ірі айтыскер ақын, «Халық поэзиясының алыбы»,  «Жамбыл – менің жай атым, халық- менің шын атым» деп өткен ұлы тұлғаның өмірі мен шығармашылығы туралы  айта келіп кітап көрмесіне шолу жасады.
 Ұлы Жамбылды Мұхтар Әуезов мойындағанын, Сейфуллин бас игенін, Сәбит Мұқановтың ардақтағанын, Ғабит Мүсіреповтің еркелегенін, Бауыржан Момышұлы бас игенін, сондай ақ әлемдік әдебиеттің өкілдері де ерекше құрметтегенін айта келіп мектеп кітапханашылары Айман Казибекқызы мен Аян Нұраханқызы жарысқа қатысушы сынып оқушыларының белсенділігін бағалаушы әділқазылар алқасының шешіміне кезек берді . Әділқазылар алқасының шешімі бойынша жүлделі бірінші орын 9 б сыныбына, жүлделі екінші орынды 8 в сыныбына, үшінші орын 8 б сыныбына берілді. Іс-шара соңында мектеп кітапханашылары қатысушы сыныптар мен сынып жетекшілеріне өз алғыстарын білдірді.