«Қазақ ғарышкерлері және ғажайып ғарыш әлемі» атты жұлдызды сәт іс-шарасы

№13 орта мектеп кітапханасында ғарышкерлер күніне орай ұйымдастырылған «Қазақ ғарышкерлері және ғажайып ғарыш әлемі» атты жұлдызды сәт іс-шарасы 6 а сынып оқушыларымен және сынып жетекшісі Жанар Дуйсенбекқызының қатысуымен көңілді әрі танымдық түрде өтті.  Балалар ғарыш туралы қызықты мәліметтермен танысып және де  өздері оқыған мәліметтермен ой бөлісе отырып, викторина сұрақтарына жауап беріп, шығармашылық тапсырмаларды орындады. Іс-шара балалардың қиялын дамытып, ғылымға деген қызығушылығын оятты. Іс-шараны ұйымдастырған мектеп кітапханашылары Айман Казибекқызы мен Ақмарал Рахманқұлқызы оқушыларды қазақтың мақтанышы батырымыз, тұңғыш ғарышкер Тоқтар Әубәкіров ,ғарышкерлер  Талғат Мұсабаев, Айдын Айымбетовтың өмірімен ерлік істері жайлы тың және қызықты деректермен таныстырып , ғарышкерлер туралы бейнеролик ұсынды . Іс—шараға қатысушылар ұйымдастырушыларға өз ризашылықтарын білдіріп тарасты.